Ўзбекистон Республикаси Давлат солиқ қўмитаси
Размер шрифта 15 px
A - A +
Цвета сайта
Ц Ц Ц Ц Ц
Изображения
Дополнительно
Настройки
Междустрочный интервал
Стандартный Средний Большой
Межбуквенный интервал
Одинарный Полуторный Двойной
Встроенные элементы (Видео, карты и тд.)
Включить Выключить
71 202-32-82
/ 1198
Call-марказ
Ҳудудий органлар
  • Ўзбекистон Республикаси Президентининг 2016 йил 22 ноябрдаги ПҚ-2660-сонли қарорига асосан олинган ипотека кредитларини қоплаш учун 2021 йилда йўналтирилган сумма жисмоний шахслардан олинадиган даромад солиғидан озод қилинадими ?
    Йўқ қўлланилмайди, бунда уй-жой сотиб олиш учун олинган ипотека кредитлари ва улар бўйича ҳисобланган фоизларни қоплаш учун йўналтирилган суммани жисмоний шахслардан олинадиган даромад солиғидан озод қилиш тарзидаги имтиёзлар 2021 йил 1 январдан бекор қилинди (ПФ-6011-сон Фармон, 19.06.2020 йил). Олинган ипотека кредитларини ва улар бўйича ҳисобланган фоизларни солиқ даври давомида жами ўн беш миллион сўмгача бўлган миқдорда қоплашга, башарти якка тартибдаги уй-жойнинг ёки кўп қаватли уйдаги хонадоннинг қиймати уч юз миллион сўмдан ошмаса ҳамда у дастлабки бадалнинг ва (ёки) ипотека кредити бўйича фоизларнинг бир қисмини қоплаш учун бюджетдан ажратилган субсидияларни ҳисобга олган ҳолда олинган бўлса, ушбу кредитни қоплаш учун йўналтирилган суммасига солиқ солинмайди. Мазкур имтиёз қарз олувчига ва бирга қарз олувчиларга, имтиёз олиш ҳуқуқига эга бўлган барча солиқ тўловчиларга берилган, солиқ солиниши лозим бўлган даромадларни камайтириш суммаси солиқ даври давомида жами ўн беш миллион сўмдан ошмаган тақдирда, татбиқ этилади (СК 378-моддаси ўн олтинчи банд).
  • 2018 йилда ипотека кредити асосида намунавий уй олинган ва мол-мулк солиғидан имтиёзга эга бўлган. 2021 йилда ҳам мол-мулк солиғи бўйича солиқ имтиёзи сақланиб қолинадими?
    2017-2020 йилларда шаҳарларда арзон кўп квартирали уйларни қуриш ва реконструкция қилиш дастурига асосан қурилган кўп квартирали уйлардан 2020 йил 1 июлга қадар “Ипотека банк” АТИБ, “Ўзсаноатқурилишбанк” АТБ ва “Асака банк” АТБ томонидан берилган ипотека кредити асосида квартира сотиб олинган бўлса, ушбу квартиралар бўйича жисмоний шахслар (қарздорлар) ипотека кредитини тўлаб бўлгунга қадар мол-мулк солиғидан озод қилинади (ПҚ-2660-сон, 22.11.2016 йилдаги). Мисол учун: 2018 йилнинг 2020 йил 1 июлга қадар, “Ипотека банк” АТИБдан 120 млн.сўмга 20 йил муддатга ипотека кредити асосида намунавий уй олган. Бунда, фуқаро ушбу уй бўйича ипотека кредити қоплангунига қадар мол-мулк солиғидан озод қилинади.
  • Якка тартибдаги тадбиркор фаолияти тўхтатса ёки тугатса унинг ёллама ишчилари ўз фаолиятини давом эттирса бўладими?
    Якка тартибдаги тадбиркор ўзини фаолиятини вақтинча (бутунлай) тўхтатган вақтда ҳар бир ёлланган ходим учун берилган ҳисобга олиш карточкаларини солиқ органларига топшириши шарт. Агар фаолиятини тўхтатиб турган якка тартибдаги тадбиркор ҳар бир ходими учун ҳисобга олиш карточкасини солиқ органига белгиланган муддатларда топширмаса, якка тартибдаги тадбиркорнинг мажбуриятлари бўйича солиқни ҳисоблаш тўхтатилмайди (СК 392 ва 408-моддалари).
  • Ўзини ўзи банд қилган шахслар тижорат банкларида ҳисобварақлари очган ҳолда ҳисоб-китоблар бўйича терминал ва назорат-касса техникасидан фойдаланиши мумкинми ?
    Ха мумкин. Бунда, ўзини ўзи банд қилган шахслар қонун ҳужжатларида белгиланган тартибда назорат-касса техникаси ва банк пластик карточкалари орқали ҳисоб-китоблар бўйича тўлов терминалларидан фойдаланади ҳамда тижорат банкларида ҳисобварақлари очиши мумкин (ВМ 806-сон қарори, 23.12.2020 йил).
  • Товар айланмаси 1 млрд. сўмдан ошган якка тартибдаги тадбиркор ҚҚС тўловчиси сифатида рўйхатдан ўтгандан сўнг, унга ҚҚС ҳисоботларидан ташқари қайси солиқ тўловларини тўлаш мажбуриятлари юклатилади?
    Реализация қилишдан олган жами даромади 1 млрд. сўмдан ошган якка тартибдаги тадбиркорлар солиқларни юридик шахслар учун назарда тутилган тартибда тўлайдилар. Шу сабабли, якка тартибдаги тадбиркор ҚҚС тўлаш билан биргаликда, Солиқ кодексида белгиланган муддатларда фойда солиғи, жисмоний шахслардан олинадиган даромад солиғи, ер солиғи, мол-мулк солиғи, сув ресурсларидан фойланганлик учун солиқ ва ижтимоий солиқни тўлаши керак (СК 462-моддаси ва АВда 19.03.2019 йилда 3143-сон билан рўйхатга олинган ДСҚ қарори).
  • Фарзандининг таълим контрактини тўлаш учун йўналтирилган ойлик иш ҳақи даромад солиғидан озод этилганми ?
    Ўзбекистон Республикасининг олий ўқув юртларида таълим олиш (ўзининг, йигирма олти ёшга тўлмаган фарзандларининг ёки эрининг (хотинининг) таълим олиши) учун тўланган тўловлар жисмоний шахсларнинг солиқ солинмайдиган даромадлари таркибига киради (СК 378-модда).
  • Олий таълим муассасасида 3-курс талабаси ўзини ўзи банд қилувчи шахс сифатида таржимонлик фаолияти билан шуғулланса бўладими?
    Ўзини ўзи банд қилувчи шахс сифатида таржимонлик фаолияти билан шуғулланиши мумкин (ПҚ-4742-сон қарори, 08.06.2020 йил). Ўзини ўзи банд қилган шахсларнинг меҳнат фаолияти натижасида олинган даромадларига жисмоний шахслардан олинадиган даромад солиғи солинмайди (СК 369-модда).
  • Ўз эҳтиёжи учун хориждан асосий восита олиб кирган юридик шахс айланмадан олинадиган солиқ тўлашни давом эттирса бўладими?
    Ўзбекистон Республикасининг божхона чегараси орқали товарларни олиб киришни (импортни) амалга оширувчи юридик шахслар ва якка тартибдаги тадбиркорларга нисбатан айланмадан олинадиган солиқ татбиқ этилмайди. Улар мажбурий тарзда ҚҚС ва фойда солиғи тўловчилари бўлиб рўйхатдан ўтишлари шарт (СК 461-модда, иккинчи қисм, 1-банд).
  • Корхона балансидаги баланс қиймати 255 млн.сўм бўлган квартирани 100 млн.сўм сўмга сотилса ҚҚС қайси суммадан тўланади?
    Бу ҳолатда, солиқ базаси 100 млн.сўм ҳисобланади. Бунда, агар 100 млн.сўм бозор қийматидан паст бўлса, солиқ органлари солиқ базасига тузатиш киритишга ҳақли (СК 248-модда). Мисол учун: Корхона баланс қиймати 255 млн.сўм бўлган квартирасини 100 млн.сўмга шартнома асосида сотди. Бунда агар ушбу квартиранинг бозор нархи 200 млн.сўмни ташкил этса, солиқ солиш мақсадида солиқ базаси 200 млн.сўм ҳисобланади.
  • ҚҚС тўловчи корхона, бошқа юридик шахс ташкил этиб, унинг устав жамғармасини ўзига тегишли бўлган асосий воситалар билан шакллантирса, ушбу берилган асосий воситалар учун ҚҚС тўланадими?
    Юридик шахснинг устав фондига (устав капиталига) ҳисса сифатида товарларни бериш (хизматлар кўрсатиш) реализация қилиш бўйича айланма ҳисобланади (СК 239-модда). Товарларни (хизматларни) реализация қилиш бўйича айланма ҚҚСни солиш объекти эканлиги белгиланган (СК 238-модда). Шунга асосан, юридик шахс бошқа бир юридик шахснинг устав жамғармасига ҳисса сифатида берган асосий воситасига ҚҚС ҳисоблайди.
1
Хизматни баҳоланг
Қўлланма
Изоҳлар
БАЛКИЕВ ДИЛШОД ХОЛМУРОДОВИЧ
09.06.2016
Жудаям яхши.Хизмат турларини бундан хам купайтириш лозим деб уйлайман.Сизларга катта рахмат!
САЙИДОВ КОМИЛ МАМАТМУРОДОВИЧ
08.11.2016
Эътиборингиз учун раҳмат. Янада янги ва қулай хизмат турларини яратиш ниятидамиз.