Марказ мутахассислари томонидан 20 йил давомида 35 дан ортиқ солиқ хизматида ички фойдаланишга мўлжалланган дастурий маҳсулотлар ва ахборот тизимлари ишлаб чиқилди. Шулардан қуйидагиларни оммабоп ва долзарб бўлганлар сифатида санаб ўтиш мумкин:

«Янги технологиялар» илмий ахборот маркази давлат унитар корхонаси (ЯТИАМ) солиқ органлари фаолиятини автоматлаштириш учун мўлжалланган дастурий маҳсулотларни ишлаб чиқиш ҳамда бошқа давлат органларининг автоматлаштирилган ахборот тизимлари билан боғлаш ишларини амалга ошириш учун Вазирлар Маҳкамасининг 1995 йилдаги 14 сентябрдаги 359-сон Қарори асосида ташкил этилган.

Солиқ мажбуриятлари пайдо бўлиши (тугатилиши) тўғрисида маълумотларни вазирлик ва идоралардан электрон тарзда қабул қилиш, қайта ишлаш, мониторинг олиб бориш имконини берувчи дастурий мажмуа.

Фуқаролар томонидан йил давомида даромадлари тўғрисида декларацияларини қабул қилиш ва қайта ишлаш (маълумотлар тўғрилигини, солиқлар тўғри ҳисобланганлигини ва муддатида тўланганлигини текшириш) ҳамда Халқ банки билан маълумот алмашиш веб сервиси орқали фуқароларнинг кунлик жамғариб бориладиган пенсия бадаллари тўғрисидаги маълумотларни солиштириш имконини берувчи дастурий маҳсулотлар тўплами.

Солиқ текширувлари ва уларнинг натижаларини поғоналар кесимида ҳисобини юритиш, қўлланилиши лозим бўлган молиявий жарималарни шахсий карточкада киритилиши ва ундирилиши бўйича вертикал назорат қилиш тизими.

Давлат солиқ хизмати органлари ходимлари тўғрисида иш фаолиятига алоқадор маълумотлари ҳисобини юритувчи дастурий маҳсулот

Давлат солиқ қўмитасидаги барча ҳужжатларни электрон шаклда харакатланишини таъминловчи ҳамда ижро назоратини амалга оширувчи ахборот тизими

Электрон хизматларни бошқариш, уларнинг сифат кўрсаткичларини мониторинг қилиш, фойдаланиш статистикасини шакллантириш ҳамда вертикал назорат олиш бориш учун махсус портал.

Бугунги кунда ЯТИАМ бу:

- Солиқ ва молиявий ҳисоботларни солиқ тўловчилардан электрон тарзда қабул қилиш ва қайта ишлаш тизимининг дастурчиси ҳамда интегратори. - Давлат ва хўжалик бошқаруви органлари, маҳаллий давлат ҳокимияти органлари ҳамда тижорат банклари томонидан кўрсатиладиган барча турдаги хизматлардан эркин фойдаланишни таъминлайдиган электрон рақамли имзо сертификатини бериш электрон рақамли имзолар калитларини рўйхатдан ўтказиш маркази. - Электрон ҳисобварақ-фактураларнинг марказлаштирилган ҳолда сақланиши, операторлараро узатилиши ва ҳисоби юритилишини таъминлайдиган роуминг оператори. - Oнлайн режимда қабул қилинган фискал маълумотларни мустақил ва доимий равишда қабул қилиш, қайта ишлаш, криптографик ҳимоя қилиш ва сақлаш ишларини бажарувчи фискал маълумотлар оператори.

Бугунги кунда ЯТИАМ да дастурий маҳсулотларни ишлаб чиқариш билан шуғулланувчи 40 дан ортиқ кўп йиллик тажриба эга ва ишончли ходимлар фаолият олиб бормоқда. Юқоридагилардан ташқари ЯТИАМ томонидан бошқа давлат ва хўжалик бошқаруви органлари учун сифатли дастурий маҳсулотлар ишлаб чиқариш хизмати амалга оширилмоқда. ЯТИАМ дастурий маҳсулотларни ишлаб чиқиш юзасидан автоматлаштириш объектларини ўрганиб чиқишдан бошлаб кузатув ишларини бажаришгача бўлган жараёнларни бажариш бўйича хизматларини таклиф этади.