Ўзбекистон Республикаси Давлат солиқ қўмитаси

Размер шрифта 15 px

A - A +

Цвета сайта

Ц Ц Ц Ц Ц

Изображения

Дополнительно

Настройки

Ўзбекистон Республикасининг 2003 йил 11 декабрдаги 562-II-сонли «Электрон ракамли имзо тўғрисида» қонуни асосида электрон рақамли имзодан фойдаланиш соҳасидаги муносабатларни тартибга солиш белгилаб қўйилган.

электрон рақамли имзо - ёпиқ калитини қўллаган ҳолда ахборотнинг криптографик ўзгариши натижасида олинган ва имзонинг шаклланиш вақтидан бошлаб электрон ҳужжатдаги ахборотда хатолик йўқлигини аниқловчи ҳамда имзо калити сертификатини имзо эгасига тааллуқлигини текширувчи электрон ҳужжатнинг реквизити ҳисобланади;

электрон рақамли имзо - электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгартириш натижасида ҳосил қилинган ҳамда электрон рақамли имзо очиқ калити ёрдамида электрон ҳужжатдаги ахборотда хатолик йўқлигини аниқлаш ва электрон рақамли имзо ёпиқ калитининг эгасини идентификация қилиш имкониятини берадиган имзо;

электрон рақамли имзонинг ёпиқ калити - электрон рақамли имзо калит воситаларидан фойдаланган ҳолда ҳосил қилинган, фақат имзо қўювчи шахснинг ўзига маълум бўлган ва электрон ҳужжатда электрон рақамли имзо яратиш учун мўлжалланган белгилар кетма-кетлиги;

электрон рақамли имзонинг очиқ калити - электрон рақамли имзо калит воситаларидан фойдаланган ҳолда ҳосил қилинган, электрон рақамли имзо ёпиқ калитига мос келувчи, ахборот тизимининг ҳар қандай фойдаланувчиси фойдалана оладиган ва электрон ҳужжатдаги электрон рақамли имзо калит ҳақиқийлигини тасдиқлаш учун мўлжалланган белгилар кетма-кетлиги;

электрон рақамли имзо калитининг сертификати - электрон рақамли имзонинг очиқ калити электрон рақамли имзонинг ёпиқ калитига мослигини тасдиқлайдиган ва электрон рақамли имзо ёпиқ калитининг эгасига ваколатли орган томонидан берилган электрон ёки қоғоз шаклидаги ҳужжат;

электрон рақамли имзо ёпиқ калитининг пароли - электрон рақамли имзонинг ёпиқ калитидан рухсатсиз тарзда фойдаланишдан ҳимоя қилиш учун мўлжалланган шартли белгилар кетма-кетлиги.

электрон рақамли имзонинг ёпиқ калити эгаси - электрон рақамли имзо калитини яратган (электрон ҳужжатга имзо қўйган) ва ваколатли орган томонидан унинг номига электрон рақамли имзо калити сертификати берилган жисмоний шахс.

электрон рақамли имзо калит сертификатини бошқариш - электрон рақамли имзо калитининг сертификати амал қилишини тўхтатиб туриш ёки қайта тиклаш ёхуд уни бекор қилиш.

электрон рақамли имзо калит сертификатининг амал қилиш муддати - электрон рақамли имзо калити рўйхатга олинган вақтдан бошлаб 24 ойдан ошмаслиги керак.

электрон рақамли имзо калити сертификатини https://e-imzo.uz интернет манзилидаги шахсий кабинет орқали электрон рақамли имзо калити сертификатининг амал қилиш муддати тугагунга қадар узайтириб олиш мумкин.

ЭРИ калити фойдаланиш кенглиги

Ўзбекистон Республикасининг 2017 йил 11 сентябрдаги ЎРҚ-445-сонли “Жисмоний ва юридик шахсларнинг мурожаатлари тўғрисида”ги қонунига асосан электрон рақамли имзо электрон ҳужжатни имзолаган шахсни идентификациялаш учун мўлжалланган бўлиб, қўлда қўйилган имзонинг тўкис аналоги ҳисобланади ҳамда электрон ҳужжатда акс эттирилган ахборотнинг ўзгартирилмаслиги ва авторликни тасдиқлаш учун қўлланилади. Шунингдек, “Жисмоний ва юридик шахсларнинг мурожаатлари тўғрисида”ги Ўзбекистон Республикаси қонунларига мувофиқ, электрон рақамли имзо билан тасдиқланмаган мурожаатлар аноним мурожаатлар деб ҳисобланади.

ЭРИ калитни қандай олиш мумкин?
Электрон рақамли имзо калитларини рўйхатга олиш ва электрон рақамли имзо калити сертификатларини бериш Ўзбекистон Республикаси Вазирлар Маҳкамасининг 2018 йил 10 майдаги 348-сонли қарори асосида Ўзбекистон Республикаси Давлат солиқ қўмитаси ҳузуридаги “Янги технологиялар” илмий-ахборот маркази томонидан Давлат хизматлари марказлари орқали амалга оширилади.

Электрон рақамли имзо калити сертификатларини олиш учун белгиланган тартибда сўровнома тўлдирилади.

Сўровномани Давлат хизматлари марказлари ёки https://e-imzo.uz сайти орқали тўлдириш мумкин.

Аризани кўриб чиқиш ва электрон рақамли имзо калити сертификатини олиш узоғи билан 40 дақиқа ичида амалга оширилади. Электрон рақамли имзо калит сертификатини давлат хизматлари марказига тақдим этилган USBфлеш хотирага юклаб оланади.

Электрон рақамли имзо ёпиқ калитининг пароли ваколатли орган томонидан сўровномада кўрсатилган мобил телефон рақамига смс-хабар шаклида юборилади.

Электрон рақамли имзо ёпиқ калити эгасининг Давлат хизматлари марказига бевосита қилган аризаси орқали сўровномада кўрсатилган мобил телефон рақами ўзгартирилиши мумкин.

Электрон рақамли имзо ёпиқ калитининг паролини https://e-imzo.uz сайти аризада кўрсатилган телефон рақами орқали қайта олиш мумкин.

Электрон рақамли имзо калит учун тўлов шакллари.

Аризани кўриб чиқишнинг ижобий натижасидан сўнг электрон рақамли имзо калити учун тўлов амалга оширилиши лозим.

Жисмоний шахс Ўзбекистон Республикаси Президентининг 2018 йил 6 майдаги ПФ-5456сонли фармонига мувофиқ энг кам ойлик иш ҳаққининг 7% миқдорида, барча банк кассалари ҳамда CLICK, PAYME, UPAY, PAYNET, MUNIS ва бошқа тўлов тизимлари орқали амалга ошириши мумкин.

Юридик шахс ва якка тартибдаги тадбиркорлар Ўзбекистон Республикаси Президентининг 2012 йил 18 июлдаги ПФ4455сонли фармонига мувофиқ энг кам ойлик иш хақининг 10 % миқдорида амалга ошириши мумкин. Электрон рақамли имзо калити учун олдиндан тўловни Давлат солиқ қўмитаси рўйхатга олиш марказининг қуйидаги банк реквизитлари орқали амалга оширилади: ҳ/р 20210000700431200005 АТБ «INVEST FINANCE BANK» МФО 01041, СТИР 201589463

Якка тартибдаги тадбиркорлар ҳам ҳудди жисмоний шахслардек тўлов тизимлари ёки банк кассалари орқали тўловни амалга оширишлари мумкин.

Электрон рақамли имзо калити қуйидагиларга бепул берилади:
- Давлат бюджет ташкилотларига;
- Вазирлар Маҳкамасининг 2018 йил 10 майдаги 348сонли “Давлат хизматлари марказлари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламентини тасдиқлаш ҳақида” ги қарорига асосан касб-ҳунар коллежлари ва академик лицейларнинг ўқувчиларига;
- 2019 йил 8 апрелдаги 284сонли “Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизимини жорий этишнинг ташкилий чора-тадбирлари тўғрисида” қарорига мувофиқ Ўзбекистон Республикаси Президенти Администрациясига, Вазирлар Маҳкамасига, вазирликларга, идораларга, маҳаллий ижро этувчи ҳокимият органларига, бошқа давлат органлари ва ташкилотларнинг раҳбарларига ва масъул шахсларига.
Электрон рақамли имзо калитни олиш

Электрон рақамли имзо калит эгаси шахсни тасдиқловчи хужжатнинг асл нусхаси билан бирга USBфлеш хотира тақдим этиши лозим.

Жисмоний шахслар ва якка тартибдаги тадбиркорлар:
- шахсни тасдиқловчи гувоҳномани нусхаси (паспорт, ҳарбий билет, ҳайдовчилик гувоҳномаси ёки шахсини тасдиқловчи бошқа ҳужжат);
- электрон рақамли имзо калитини рўйхатдан ўтказиш ва сертификатни бериш учун имзоланган ариза.
Юридик шахслар:
- юридик шахсни вакили – электрон рақамли имзо калит эгасининг шахсни тасдиқловчи гувоҳномани нусхаси (паспорт, ҳарбий билет, ҳайдовчилик гувоҳномаси ёки шахсини тасдиқловчи бошқа ҳужжат);
- Электрон рақамли имзо калитнинг эгаси - юридик шахснинг вакилига буйруқнинг тасдиқланган нусҳаси ёки ишончнома (бунда, мурожаат этувчи электрон рақамли имзо ёпиқ калитининг эгаси бўлса, электрон рақамли имзо калитининг сертификатини бошқариш учун юридик шахснинг хати (ишончнома) талаб этилмайди).