Ўзбекистон Республикаси Давлат солиқ қўмитаси
Размер шрифта 15 px
A - A +
Цвета сайта
Ц Ц Ц Ц Ц
Изображения
Дополнительно
Настройки
Междустрочный интервал
Стандартный Средний Большой
Межбуквенный интервал
Одинарный Полуторный Двойной
Встроенные элементы (Видео, карты и тд.)
Включить Выключить
71 202-32-82
/ 1198
Call-марказ
Ҳудудий органлар
Излаш
  • Жиноят иши доирасида қўшимча ҳисобланган солиқлар ва молиявий санкциялар устидан берилган шикоятни кўриб чиқиш
    09.07.2021

    Йирик солиқ тўловчилар бўйича ҳудудлараро давлат солиқ инспекциясидан рўйхатдан ўтган газ таъминоти ташкилотининг филиали 2021 йил февраль ойида ДСҚга корхонада жиноят иши доирасида ўтказилган тафтиш натижасида жами 1,8 млрд.сўм қўшимча ҳисобланган солиқлар, шунингдек қўлланилган молиявий санкциялар юзасидан шикоят билан мурожаат қилди.

    Мазкур шикоят Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш давомида корхона бир неча бор қайта ташкил этилганлиги ва жиноят иши доирасида ўтказилган тафтиш давомида қўшимча ҳисобланган солиқлар ҳамда қўлланилган молиявий санкциялар корхонанинг шахсий карточкасида киритилганлиги аниқланди.

    Корхонага мазкур тафтиш жиноят иши доирасида бўлганлиги сабабли ҳуқуқни муҳофаза қилувчи органга ёки судга шикоят қилиш мақсадга мувофиқлиги тушунтирилди.

  • Молиявий санкция қўлланилиши натижасида юзага келган солиқ низосини ҳал қилиш
    01.06.2021

    Йирик солиқ тўловчилар бўйича ҳудудлараро давлат солиқ инспекциясидан рўйхатдан ўтган ишлаб чиқариш фаолияти билан шуғулланувчи қўшма корхона ДСҚга 2021 йил январь ойида камерал солиқ текшируви натижасида 2,3 млрд.сўм миқдорда асоссиз қўлланилган молиявий жарима устидан шикоят билан мурожаат қилди.
       Мазкур шикоят Солиқ низоларини судгача ҳал қилиш бошқармаси ходимлари томонидан кўриб чиқилди.
            Кўриб чиқиш давомида, солиқ органи томонидан қарор қабул қилишда Солиқ кодекси 165-моддасининг 1,5,6 ва 8-қисмлари нормаси бузилганлиги аниқланди ҳамда бу мазкур Кодекснинг 157-моддаси 4-қисмига асосан қарорни бекор қилишга асос бўлишини англатади.

         Кўриб чиқиш натижаси юзасидан ҳудудий солиқ органига тегишли топшириқ юборилди.
  • Асоссиз қўшимча ҳисобланган солиқлар тўғрисидаги солиқ низосини ҳал қилиш
    03.05.2021

    Йирик солиқ тўловчилар бўйича ҳудудлараро давлат солиқ инспекциясидан рўйхатдан ўтган улгуржи савдо фаолияти билан шуғулланувчи қўшма корхона ДСҚга 2021 йил февраль ойида якуний текшириш натижасида жами 16,5 млрд.сўм қўшимча ҳисобланган солиқлар ва молиявий санкциялар юзасидан шикоят билан мурожаат қилди.

    Мазкур шикоят Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш давомида, якуний текшириш тугатилганидан кейин солиқ органи томонидан қўшимча солиқ назорати тадбирлари ўтказилмасдан жами 16,5 млрд.сўм солиқлар ва молиявий жарима қўшимча ҳисобланганлиги аниқланди.

    Юқоридагилардан келиб чиқиб, қўшимча ҳисобланган солиқ суммаси илгари номаълум ҳолат юзасидан келиб чиққанлиги сабабли қайта солиқ аудити ўтказилиши бўйича қарор қабул қилинди.

    Кўриб чиқиш натижаси юзасидан ҳудудий солиқ органига тегишли топшириқ юборилди.

  • Солиқ солиш базасини аниқлаш масаласи бўйича солиқ низосини ҳал қилиш
    28.04.2021

    Қорақалпоғистон Республикасида давлат рўйхатидан ўтган 2018-2020 йилларда қурилиш фаолиятини амалга оширган МЧЖ 2021 йил январь ойида Давлат солиқ қўмитасига якуний солиқ текшируви натижасида асоссиз ҳисобланган жами 173,6 млн.сўм ҚҚС ва 314,5 млн.сўмлик жарима юзасидан шикоят билан мурожаат қилди.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш давомида, харидорнинг материалларини солиқ солиш базасига асоссиз киритилиши натижасида солиқ солиш базасини яшириш факти нотўғри аниқланган ва ҚҚС ҳисобланган.

    Шикоятни кўриб чиқиш натижаси бўйича солиқ органининг қарорига тегишли ўзгартиришлар киритилди. 

  • Доимий муассасанинг солиққа тортиш билан боғлиқ солиқ низосини ҳал этиш
    12.04.2021

    2017-2020 йиллар давомида иссиқлик электр станция қурилиши фаолиятини доимий муассаса орқали амалга ошириб келган компания-норезидент 2021 йил январь ойида Давлат солиқ қўмитасига якуний солиқ текшируви натижасида асоссиз ҳисобланган жами 1,7 млрд.сўм ҚҚС ва 0,3 млрд.сўмлик жарима бўйича шикоят билан мурожаат қилди.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш давомида корхона Ўзбекистон Республикаси Президентининг 2018 йил 16 июлдаги ПҚ-3857-сонли қарорига асосан, 2021 йил 1 июлига қадар халқаро молия институтлари ва хорижий ҳукумат молия ташкилотлари маблағлари ҳисобидан молиялаштирилган инвестицион лойиҳалар бўйича олинган товарлар (бажарилган ишлар, кўрсатилган хизматлар) ҚҚСдан тўғридан тўғри озод этилиши белгилаб қўйилганлиги аниқланди.

    Бундан ташқари, янги таҳрирдаги Солиқ кодексининг 4-моддасига асосан, доимий муассасалар учун ҚҚСни тўлаш мажбурияти 2020 йил 1 апрелдан кучга кирган. Шунга кўра, ҳудудий солиқ органининг қарори бекор қилинди.

  • Асоссиз ундирилган солиқларнинг қайтарилиши бўйича солиқ низосини кўриб чиқиш
    15.03.2021

    Қорақалпоғистон Республикасида давлат рўйхатидан ўтган савдо фаолиятини амалга оширувчи корхона 2021 йил январь ойида Давлат солиқ қўмитасига ҳудудий солиқ органи томонидан асоссиз ундирилган 597,5 млн.сўм солиқларни қайтариш юзасидан шикоят билан мурожаат қилди.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Натижада, бошқарма ходимлари томонидан солиқ тўловчига 217,5 млн.сўм пул маблағи қайтарилганлиги, қолган 536,6 млн.сўм ортиқча тўловни қайтариш бўйича солиқ органининг хулосаси Ғазначилик бўлимига юборилганлиги тушунтирилди ҳамда бу ҳақда солиқ тўловчига белгиланган тартибда жавоб хати юборилди. 

  • Солиқ қарзини ҳисобдан чиқариш тўғрисидаги низони кўриб чиқиш ҳақида
    05.03.2021

    Россия Федерациясида давлат рўйхатидан ўтган 2013-2014 йилларда Ўзбекистон Республикаси ҳудудида доимий муассаса орқали ишлаб чиқариш фаолиятини амалга оширган маъсулияти чекланган жамият 2020 йил декабрь ойида ДСҚга 85,4 млн.сўмлик солиқ қарзини даъво муддати ўтганлиги сабабли ҳисобдан чиқариш юзасидан мурожаат қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Мурожаатни кўриб чиқиш натижасида бошқарма ходимлари томонидан 2015 йилда (даъво қилиш муддати ўтмаган даврда) солиқ қарзини доимий муассасадан ундириш бўйича тегишли чоралари кўрганликлари ва шунга кўра ушбу ҳолатда даъво қилиш муддати ўтмаган ҳисобланиши юзасидан тушунтириш берилди.

    Бундан ташқари, Солиқ кодексида даъво муддати тугаши билан солиқ қарзини ҳисобдан чиқаришга рухсат этувчи норма мавжуд эмас.

    Натижаси юзасидан солиқ тўловчига тегишли жавоб хати юборилди.

  • Корхонанинг ўзи аниқлаган камомад суммасига молиявий санкция қўлланилиши бўйича низони ҳал этиш
    16.02.2021

    Фарғона вилоятида давлат рўйхатидан ўтган дори-дармон воситалари савдоси фаолиятини амалга оширувчи маъсулияти чекланган жамият 2020 йил декабрь ойида ДСҚга ҳудудий давлат солиқ бошқармаси томонидан корхонанинг ўзи аниқлаган камомад суммасига нисбатан молиявий санкция ҳамда жами 62,8 млн.сўм ҚҚС асоссиз ҳисобланганлиги юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида бошқарма ходимлари томонидан корхонанинг ўзи 179,9 млн.сўмлик дори-дармон воситалари камомад суммасини мустақил аниқлаганлиги ва шундан сўнг ҳуқуқни муҳофаза қилувчи органига мурожаат қилганлиги аниқланди.

    Ўзбекистон Республикаси Солиқ кодексининг 212-213-моддаларига асосан шахс солиққа оид ҳуқуқбузарликни содир этишда айбдор деб топилмаган тақдирда жавобгарликка тортилиши мумкин эмас.

    Шунга кўра, солиқ тўловчига молиявий санкция қўлланилиши тўғрисидаги масала фақат суднинг якуний қароридан сўнг амалга оширилиши ва жараён тўҳтатиб турилиши ҳақида жавоб хати юборилди.

  • Якуний текшириш натижасида юзага келган солиқ низосини кўриб чиқиш
    11.02.2021

    Қорақалпоғистон Республикасида давлат рўйхатидан ўтган савдо фаолиятини амалга оширувчи маъсулияти чекланган жамият 2020 йил август ойида ДСҚга ҳудудий давлат солиқ органининг якуний солиқ текширувида унга нисбатан Солиқ кодексининг 223-моддасига мувофиқ 1 381,7 млн.сўм молиявий санкция, ҚҚС ва фойда солиғи жами 1 728,8 млн.сўм солиқлар асоссиз ҳисобланганлиги бўйича шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида, давлат солиқ бошқармаси ходимлари томонидан солиқ тўловчи фаолиятида якуний текширув ўтказилганлиги ва омборда жами 1 030,2 млн.сўмлик кирим қилинмаган товарлар мавжудлиги ҳамда 5 878,1 млн.сўмга солиқ солиш базаси камайтирилганлик ҳолати аниқланганлиги маълум бўлди. Ушбу холат юзасидан Солиқ кодексининг 223-моддасига мувофиқ 20 фоизи миқдорида молиявий санкция ҳамда тегишли солиқлар қўшимча ҳисобланганлиги аниқланиб, муаллифига тушунтириш берилди.

    Шикоятни кўриб чиқиш натижаси бўйича солиқ тўловчининг шикояти қаноатлантирилмасдан қолдирилди.

  • Якуний текшириш натижасида юзага келган солиқ низосини кўриб чиқиш
    08.01.2021

    Қорақалпоғистон Республикасида давлат рўйхатидан ўтган савдо фаолиятини амалга оширувчи маъсулияти чекланган жамият 2020 йил август ойида ДСҚга ҳудудий давлат солиқ органи томонидан ўтказилган якуний солиқ текшируви давомида Солиқ кодексининг 223-моддасига мувофиқ 2 322,0 млн.сўм молиявий санкция ҳамда ҚҚС ва фойда солиғи бўйича жами 1 481,6 млн.сўм солиқ асоссиз ҳисобланганлиги юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида, бошқарма ходимлари томонидан солиқ тўловчига якуний текширув ўтказиш давомида омборда жами 5 609,8 млн.сўмлик кирим қилинмаган товарлар мавжудлиги ва 6 000,3 млн.сўмга солиқ солиш базаси камайтириб кўрсатилганлиги сабабли, Солиқ кодексининг 223-моддасига мувофиқ 20 фоизи миқдорида молиявий санкция ҳамда тегишли солиқлар қўшимча ҳисобланганлиги тушунтирилди.

    Натижада солиқ тўловчининг шикояти қаноатлантирилмади.

  • Корхонанинг ўзи аниқлаган камомад суммасига молиявий санкция қўлланилиши бўйича низони ҳал этиш
    25.12.2020

    Тошкент шаҳрида давлат рўйхатидан ўтган текстил маҳсулотларини ишлаб чиқариш фаолиятини амалга оширувчи маъсулияти чекланган жамият 2020 йил декабрь ойида ДСҚга ҳудудий давлат солиқ бошқармаси томонидан корхонанинг ўзи аниқлаган камомад суммасига нисбатан молиявий санкция ҳамда жами 48,1 млн.сўм ҚҚС асоссиз ҳисобланганлиги юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида бошқарма ходимлари томонидан корхонанинг ўзи 134,6 млн.сўмлик трикотаж маҳсулотлари камомади суммасини мустақил аниқлаганлиги ва шундан сўнг белгиланган тартибда ҳуқуқни муҳофаза қилувчи органига мурожаат қилганлиги аниқланди.

    Ўзбекистон Республикаси Солиқ кодексининг 212-213-моддаларига асосан шахс солиққа оид ҳуқуқбузарликни содир этишда айбдор деб топилмаган тақдирда жавобгарликка тортилиши мумкин эмас.

    Шунга кўра, солиқ тўловчига молиявий санкция қўлланилиши тўғрисидаги масала фақат суднинг якуний қароридан сўнг кўриб чиқилиши ва жараён тўҳтатиб турилиши ҳақида жавоб хати юборилди.

     

  • Якуний текшириш натижасида юзага келган солиқ низосини кўриб чиқиш
    10.12.2020

    Қорақалпоғистон Республикасида давлат рўйхатидан ўтган савдо фаолиятини амалга оширувчи маъсулияти чекланган жамият 2020 йил август ойида ДСҚга ҳудудий давлат солиқ органининг якуний солиқ текшируви танижасида Солиқ кодексининг 223-моддасига мувофиқ 199,5 млн.сўм молиявий санкция ва ҚҚС ҳамда фойда солиғи жами 211,7 млн.сўм солиқлар асоссиз ҳисобланганлиги юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида, давлат солиқ бошқармаси ходимлари томонидан солиқ тўловчида ўтказилган якуний текширув давомида омборда жами 997,6 млн.сўмлик товарлар мавжуд эмаслиги аниқланиб, Солиқ кодексининг 223-моддасига мувофиқ 20 фоизи миқдорида молиявий санкция ҳамда солиқлар қўшимча ҳисобланганлиги маълум бўлди ва бу ҳақда муаллифга тушунтириш берилди.

    Шунингдек, жамиятнинг молиявий натижалар тўғрисидаги ҳисоботи ўзгартирилди. Натижада солиқ тўловчининг шикояти қаноатлантирилмасдан қолдирилди.

  • Солиққа тортиш тартиби ҳамда Жисмоний шахслардан олинадиган даромад солиғи ставкаси бўйича солиқ низосини кўриб чиқиш
    05.11.2020

    Фарғона вилоятида давлат рўйхатидан ўтган “А” хусусий корхонаси 2020 йил август ойида Давлат солиқ қўмитасига ҳудудий солиқ органи томонидан корхонани асоссиз умумбелгиланган тартибда ҚҚС ва фойда солиғи тўлашга ўтказилганлиги ҳамда якуний текшириш натижасида жисмоний шахслардан олинадиган даромад солиғидан қўшимча ҳисобланган 7,2 млн.сўм нотўғри ундирилганлиги бўйича шикоят қилди.

    Мазкур шикоят Давлат солиқ қўмитасининг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида бошқарма ходимлари томонидан эски таҳрирдаги Ўзбекистон Республикаси Солиқ кодексининг 351-моддасига асосан, солиқ тўловчиларнинг ялпи тушуми календарь йил давомида 1 млрд.сўмдан ошган тақдирда, умумбелгиланган тартибда ҚҚС ва фойда солиғи тўлашга ўтказилиши тушунтирилди. Шунингдек, корпоратив пластик карталаридаги пул маблағларининг харажатларини тасдиқловчи ҳужжатлар мавжуд эмаслиги сабабли, Солиқ кодексининг 22 ва 177-моддаларига мувофиқ, жисмоний шахслардан олинадиган даромад солиғи қўшимча ҳисобланганлиги тушунтирилди.

  • Моддий зарарни қоплаш бўйича солиқ низосини кўриб чиқиш
    09.10.2020

    Йирик солиқ тўловчилар бўйича ҳудудлараро давлат солиқ инспекциясидан давлат рўйхатидан ўтган, фармацевтика фаолияти билан шуғулланувчи компания 2020 йил сентябрь ойида Давлат солиқ қўмитасига жиноий иш доирасида ўтказилган текшириш натижасида ҳудудий солиқ органи томонидан асоссиз ундирилган жами 6,8 млрд.сўмлик солиқлар ва молиявий жарималар юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси ходимлари томонидан кўриб чиқилди.

    Кўриб чиқиш натижасида бошқарма ходимлари томонидан, Ўзбекистон Республикаси Солиқ кодексининг 86-моддасига асосан, солиқ мажбурияти солиқ тўловчи томонидан мустақил амалга оширилиши, шунингдек, таъсисчилар ўртасида моддий зарарни қоплаш бўйича келиб чиқадиган низолар фуқаролик қонунчилиги билан тартибга солиниши тушунтирилди.

  • Якуний текшириш натижалари бўйича юзага келган солиқ низосини ҳал қилиш
    15.09.2020

    Тошкент шаҳридан давлат рўйхатидан ўтган, ишлаб чиқариш фаолияти билан шуғулланувчи корхона 2020 йил август ойида Давлат солиқ қўмитасига ҳудудий солиқ органи томонидан якуний текшириш натижасида қўшимча фойда солиғи ва ҚҚС бўйича жами 370,3 млн.сўм ҳамда 74,1 млн.сўм молиявий жарима асоссиз ҳисобланганлиги юзасидан шикоят қилган.

    Мазкур шикоят ДСҚнинг Солиқ низоларини судгача ҳал қилиш бошқармаси томонидан кўриб чиқилди.

    Кўриб чиқиш натижасида бошқарма ходимлари томонидан текшириш давомида ҚҚС бўйича 193,1 млн.сўм омбордаги товарлар қолдиғига нисбатан ҳисобланганлиги, аммо Солиқ кодексининг 238-моддасига мувофиқ, ҚҚСнинг солиқ солиш объекти бўлиб реализация қилиш жойи Ўзбекистон Республикаси бўлган товарларни (хизматларни) реализация қилиш бўйича айланма ҳисобланиши тушунтирилди.

    Натижада ҳудуий солиқ органининг 193,1 млн.сўм ҚҚС ва 38,6 млн.сўм молиявий жарима қисми бўйича чиқарган қарори бекор қилинди ҳамда солиқ тўловчининг қўшимча ҳужжатларини инобатга олган ҳолда ҚҚСни қайта кўриб чиқиш топширилди.

  • ҚҚС бўйича ноль даражали ставкани қўллаши тўғрисидаги солиқ низоси
    10.08.2020

    Табиий газни Ўзбекистон Республикаси бўйлаб ташишни амалга оширувчи қўшма корхона 2020 йил июнь ойида ўзининг амалга ошираётган фаолиятига нисбатан ноль даражали ставка бўйича ҚҚС қўлланилиши юзасидан ариза билан мурожаат қилди.

    Мазкур мурожаат ДСҚнинг Солиқ низоларини судгача ҳал қилиш бошқармаси томонидан кўриб чиқилди.

    Кўриб чиқиш жараёнида қўшма корхонада эски таҳрирдаги Солиқ кодексининг 216-моддасига мувофиқ чет эллик шахслар билан тўғридан-тўғри тузилган шартномаси ҳамда божхона органларининг мазкур транзит юклар ҳақиқатда олиб кирилганлиги ва олиб чиқилганлиги тўғрисида тегишли ҳужжатлар мавжудлиги аниқланди.

    Бошқарма ходимлари томонидан корхона раҳбарига агар қўшма корхонанинг кўрсатаётган фаолияти Солиқ кодексининг 216-моддаси талабларига жавоб берса, ноль даражали ставка бўйича ҚҚС қўллаши мумкинлиги тўғрисида тушунтириш берилди. Натижада солиқ тўловчи мазкур масала юзасидан тегишли кўрсатмани олди.

  • Якуний текшириш натижаси бўйича солиқ низосини ҳал этиш
    15.07.2020

    “K.R.S” хусусий корхонаси якуний текширув натижасида қўшимча ҳисобланган солиқ суммаларидан норози бўлиб, солиқ органи раҳбарининг қарорига ўзгартириш киритиш масаласида давлат солиқ бошқармасига мурожаат қилди.

    Мазкур мурожаат ДСБнинг Солиқ низоларини судгача ҳал қилиш бўлими томонидан кўриб чиқилди.

    Ўрганиш давомида текширувчилар томонидан 2017-2018 йиллар учун қўшилган қиймат солиғи бўйича солиқ солиш объекти нотўғри аниқланганлиги маълум бўлди.

    Қўшимча тақдим этилган ҳужжатлар қайта кўриб чиқилиб, шунингдек корхона ва текширувчи ходимларнинг позициялари ўрганилиб, текширувда аниқланган ва 2017-2018 йиллар учун ҚҚС бўйича қўшимча ҳисобланган солиқ суммаси 77,1 млн.сўмга камайтирилди ҳамда ДСИ қарорига тегишли ўзгартиришлар киритилди.

    Натижада, хўжалик юритувчи субъект ва давлат солиқ органининг суд муҳокамаларига қатнашларига барҳам берилди.

  • Солиқ солиш объекти бўйича низо тўғрисида
    10.06.2020

    Воситачилик хизмати кўрсатган “G.F.B” масъулияти чекланган жамияти туман давлат солиқ инспекцияси томонидан жамиятнинг 2018 йил 9 ойлик фаолияти юзасидан ўтказилган камерал назорат натижаси бўйича ягона солиқ тўловига жами 68,5 млн.сўм қўшимча солиқ ҳисобланганлигидан норози бўлиб давлат солиқ бошқармасига мурожаат қилди.

    Мазкур мурожаат ДСБнинг Солиқ низоларини судгача ҳал қилиш бўлими томонидан кўриб чиқилди.

    Ўрганиш давомида жамиятнинг “Тайёр фармацевтика препаратларини улгуржи сотиш” фаолият туридан келиб, ягона солиқ тўлови бўйича қўшимча солиқ ҳисобланганлиги, аслида жамият комиссия шартномаси асосида воситачилик хизмати билан шуғулланганлиги маълум бўлди.

    Шунга асосан, туман давлат солиқ инспекцияси ходимларининг ушбу ҳаракати нотўғри деб топилиб, Солиқ кодексининг 350-моддаси бешинчи қисми 2-бандига (2018 йилда амалда бўлган) мувофиқ, жамиятга ҳисобланган 68,5 млн.сўм қўшимча солиқ суммаси бекор қилинди.

  • ҚҚС бўйича солиқ низони ҳал этиш
    20.05.2020

    Тошкент шаҳар Яшнобод туманидан давлат рўйхатидан ўтган маъсулияти чекланган жамият 2020 йил май ойида Давлат солиқ қўмитасига ҳудудий солиқ органи ходимларининг ноқонуний ҳаракатлари устидан 2019 йил октябрь ойида жами 18 397,6 минг сўм ҚҚС ундирилганлиги ва 2019 йил учун қўшимча жами 275,4 минг сўм ҚҚС ҳисобланганлиги бўйича шикоят билан мурожаат қилди.

    Мазкур шикоят ДСҚнинг Солиқ низоларини судгача ҳал қилиш бошқармаси томонидан кўриб чиқилди.

    Кўриб чиқиш давомида 2019 йил октябрь ойида нотўғри ундирилган ҚҚС суммаси ДСИ томонидан 2019 йил декабрь ойида корхона мурожаатига асосан бекор қилинганлиги маълум бўлди. Бунда, корхона томонидан реализация қилишда реестрда кўрсатилмаган, лекин унинг контрагентида ҳисобга олинган ҳисобварақ-фактура мавжуд бўлган.

    ҚҚС бўйича аниқлаштирилган ҳисобот тақдим этиш муносабати билан 2020 йилда ариза берувчининг шахсий карточкасида илгари жами 275,4 минг сўм ҳисобланган ҚҚС суммасига камайтирилди ва низо ҳал этилди. 

  • Солиқ тўловчи томонидан солиқ имтиёзларини қўллаш масаласини ҳал этиш
    24.04.2020

    Бухоро вилояти ДСБ томонидан ўтказилган камерал назорат натижасида, “А” МЧЖ 2019 йилнинг январь-май ойлари даврида ҚҚСни ҳисоблашда имтиёздан фойдаланган, аммо уни қўллаш учун асос кўрсатмаган. Бунинг оқибатида, жамиятга 2019 йил 7 июлда 1,2 млрд.сўмлик 22-18834-сонли талабнома юборилган.

    “А” МЧЖ томонидан талабномага жавобан Ўзбекистон Республикаси Президентининг 2019 йил 13 майдаги ПҚ-5715-сонли қарор билан солиқ имтиёзларини қўлланилиши белгиланганлиги тўғрисида жавоб хати юборилган.

    Бухоро вилояти ДСБ юқорида кўрсатилган қарор 2019 йил 23 майда кучга кирган деб ҳисоблайди. Солиқ тўловчининг позициясига кўра, юқорида кўратилган қарорга 2019 йил 26 сентябрдаги ПҚ-5837-сон қарори билан ўзгартириш киритилган, натижада ПҚ-5715-сонли қарор 2019 йилнинг 1 январидан бошлаб тадбиқ этилади.

    Ўрганиш натижасида, Ўзбекистон Республикаси Солиқ кодекси эски таҳрирининг 3-моддаси 4-қисмига асосан, ПҚ-5715-сонли қарорининг 13-банди орқага қайтиш кучига эга бўлиши мумкин, чунки бу тўғридан-тўғри солиқ қонунчилигининг мазкур ҳужжатида кўзда тутилганлиги учун хулоса қабул қилинди.

0
Хизматни баҳоланг
Қўлланма
Изоҳлар